• 1. შპს “სპორტგარეჯის” (შემდგომში ორგანიზაცია) მიერ ორგანიზებული ტოტალიზატორი “კროკობეთი” მოქმედებს საქართველოს ფინანსთა სამინისტროს მიერ გაცემული ნებართვის საფუძველზე. გათამაშების წესები შეთანხმებულია საქართველოს ფინანსთა სამინისტროსთან.
• 2. ყველა მოთამაშე ვალდებულია წინასწარ გაეცნოს გათამაშების წესებს. ფსონის დადება ნიშნავს, რომ მოთამაშე ეთანხმება ორგანიზაციის გათამაშების წესებს.
• 3. მოთამაშის მიზანია სპორტული შეჯიბრის ან სხვა საზოგადოებისთვის საინტერესო მოვლენათა შედეგების გამოცნობა ორგანიზაციის მიერ წინასწარ გამოქვეყნებული პროგრამის მიხედვით.
• 4. მოთამაშე ფსონს დებს მისთვის სასურველ პროგნოზზე, რომელსაც გააჩნია ორგანიზაციის მიერ მიკუთვნებული კოეფიციენტი.
• 5. კოეფიციენტი განსაზღვრავს შესაძლო მოგების თანხას პროგნოზის გამოცნობის შემთხვევაში. ე.ი. მოთამაშისთვის წინასწარვეა ცნობილი რა ოდენობის თანხის მოგება შეუძლია მას.
• 6. ფსონის მიღება შეიძლება ყველაფერზე, რაც არ ეწინააღმდეგება საქართველოში მოქმედ კანონმდებლობას ან ეთიკურ ნორმებს.
• 7. ორგანიზაციაში ფსონების დადება შეუძლია ყველას 18 წლის ზემოთ.

ტერმინებისა და პირობითი ნიშნების განმარტება

• 1. “1” - პირველი (მასპინძელი) გუნდის (მოთამაშის) მოგება;
• 2. “X” – ფრე;
• 3. “2” – მეორე (სტუმარი) გუნდის (მოთამაშის) მოგება;
• 4. “1X” – პირველი გუნდის მოგება ან ფრე;
• 5. “12” – პირველი ან მეორე გუნდის მოგება;
• 6. “X2” – მეორე გუნდის მოგება ან ფრე;
• 7. “<” - ნაკლები;
• 8. “>” - მეტი;
• 9. “1/1, 1/X, 1/2, X/1, X/X, X/2, 2/1, 2/X, 2/2” – პირველი ტაიმის შედეგი / ძირითადი დროის შედეგი;
• 10. ფრეს გარეშე – ფრეს შემთხვევაში მოთამაშის მიერ გაკეთებული პროგნოზი ითვლება გამოცნობილად, ხოლო კოეფიციენტი უტოლდება 1.0 (ერთი მთელი);
• 11. წყვილი – კენტი – 0:0 ითვლება წყვილად;
• 12. კომპენსირებული დრო – მსაჯის მიერ ტაიმის (და სხვ.) ძირითად დროს დამატებული წუთი(-ები) (კომპენსირებული დრო არ გულისხმობს დამატებით დროს (ტაიმებს), ოვერტაიმებს და სხვ.).

ღონისძიების სახეობიდან გამომდინარე პირობითი ნიშნებით შეიძლება აღნიშნული იყოს გუნდი, მოთამაშე ან სხვა.
და დასმული შეკითხვის გათვალისწინებით, სამ კოეფიციენტიან შემთხვევებში: “1” - პირველი სავარაუდო პასუხი (კოეფიციენტი), “X” - მეორე სავარაუდო პასუხი (კოეფიციენტი) და “2” - მესამე სავარაუდო პასუხი (კოეფიციენტი). და დასმული შეკითხვის გათვალისწინებით, ორ კოეფიციენტიან შემთხვევებში: “1” - პირველი სავარაუდო პასუხი (კოეფიციენტი), “2” - მეორე სავარაუდო პასუხი (კოეფიციენტი).

• 1. ფსონის დადება ნიშნავს ორგანიზაციასა და მოთამაშეს შორის ერთჯერადი ხელშეკრულების გაფორმებას.
• 2. ერთჯერადი ხელშეკრულების დამადასტურებელი საბუთია ქვითარი.
• 3. ერთი მოთამაშის მიერ დადებული ფსონების რაოდენობა შეზღუდული არ არის.
• 4. მინიმალური ფსონი ერთ ვარიანტიან ბილეთზე შეადგენს 0.1 (ნული მთელი ერთი) ლარს. მინიმალური ფსონი ფორმულიან ბილეთზე შეზღუდული არ არის.
• 5. ვარიანტს, რომლის შესაძლო მოგების თანხა აღემატება 5 000 (ხუთი ათასი) ლარს, უნდა შეთანხმდეს ორგანიზაციის ადმინისტრაციასთან
• 6. დადებული ფსონის გაუქმება შეუძლებელია, მიუხედავად იმისა დაიწყო თუ არა ესა თუ ის GGღონისძიება.
• 7. მოლარე-ოპერატორი პასუხს არ აგებს ქვითარში შეტანილი ინფორმაციის სიზუსტეზე, აღნიშნული ინფორმაციის სიზუსტეზე სრული პასუხისმგებლობა ეკისრება მოთამაშეს.
• 8. ორგანიზაცია უფლებას იტოვებს ერთპიროვნულად განსაზღვროს ფსონების მიღების დაწყება და დამთავრება.
• 9. ორგანიზაცია უფლებას იტოვებს მიიღოს, ნაწილობრივ მიიღოს ან არ მიიღოს ნებისმიერი მოთამაშის ფსონი.
• 10. ორგანიზაციას შეუძლია აუკრძალოს ფსონების დადება პირებს:
  -თუ გამოაშკარავდა რომ პირს არ შესრულებია 18 წელი;
  -თუ პირი შემჩნეულია სხვადასხვა სახის თაღლითობაში;
  -თუ მოთამაშე არ იცავს გათამაშების წესებით გათვალისწინებულ ვალდებულებებს.

• 1. ორგანიზაციის პროგრამა, მასში შეტანილი ყველა ღონისძიების დასახელებითა და კოეფიციენტების მითითებით ქვეყნდება ოფიციალური სიის სახით.
• 2. მოქმედ პროგრამაში შეტანილი ღონისძიებების გასწვრივ მითითებულია მათი ყველა შესაძლო შედეგის შესაბამისი კოეფიციენტი.
• 3. კოეფიციენტთა პირველი გამოქვეყნების მომენტიდან, ორგანიზაციას უფლება აქვს ნებისმიერ დროს შეცვალოს (გაზარდოს ან შეამციროს) ან გააუქმოს ნებისმიერი კოეფიციენტი.
• 4. კოეფიციენტის შეცვლა და გაუქმება არ ეხება უკვე დადებულ ფსონს.
• 5. კოეფიციენტების შეცვლის დროს ერთადერთ მოქმედ კოეფიციენტად ითვლება ის, რომელიც დაფიქსირებულია ორგანიზაციის კომპიუტერული პროგრამის მეხსიერებაში.
• 6. ნებისმიერი ტექნიკური ხარვეზი განიხილება, როგორც ფორსმაჟორული გარემოება, რაზეც ორგანიზაცია იხსნის პასუხისმგებლობას. ფსონი გაუქმდება და მოთამაშეს დაუბრუნდება დადებული თანხა.
• 7. მოთამაშის მიერ შევსებულ ერთ ვარიანტში შეტანილ კოეფიციენტთა ნამრავლი 1000-ს (ათასი) არ უნდა აღემატებოდეს. თუ კოეფიციენტთა ნამრავლი 1000-ზე (ათასი) მეტია, მაშინ მოგების შემთხვევაში კოეფიციენტად 1000 (ათასი) ჩაითვლება.
• 8. ზოგ შემთხვევაში წყვილის გასწვრივ შეიძლება მითითებული იყოს ანგარიში (ჰანდიკაპი). ასეთ დროს მატჩის შედეგი მითითებული ანგარიშის გათვალისწინებით განისაზღვრება.
• 9. ფსონები მიიღება როგორც ცალკეული ღონისძიების შედეგის გამოცნობაზე, ასევე რამდენიმე ღონისძიების შედეგის ერთდროულ გამოცნობაზე. Aამ შემთხვევაში Mმოთამაშემ უნდა გამოიცნოს ერთ ვარიანტში მითითებული ყველა ღონისძიების შედეგი.
• 10. თუ ფსონი დადებულია რამდენიმე ღონისძიების შედეგის ერთდროულ გამოცნობაზე, მაშინ მოგების კოეფიციენტი შეადგენს ცალკეული ღონისძიებების შედეგების შესაბამისი კოეფიციენტების ნამრავლს მეასედამდე სიზუსტით.
• 11. თუ პროგრამაში სპეციალური მითითება არ არის კოეფიცინეტთა გადამრავლება შეიძლება მხოლოდ ერთი ტიპის პროგნოზებისთვის. მაგალითად: მატჩის შედეგი - შედეგზე, მომდევნო ეტაპზე გასვლა - მომდევნო ეტაპზე გასვლაზე და ა.შ.

• 1. მოგებულად ითვლება ქვითარში შეტანილი ის ვარიანტი, რომელშიც ყველა მითითებული პროგნოზი გამოცნობილია. თუ ერთი პროგნოზი მაინც არ გამართლდა, მოცემული ვარიანტი წაგებულად ჩაითვლება.
• 2. პროგნოზის გამოცნობის შემთხვევაში მოთამაშეს ეკუთვნის მოგება, რომლის თანხა უდრის გამოცნობილი ვარიანტის პროგნოზის (პროგნოზების) შესაბამისი კოეფიციენტისა და მოგებულ ვარიანტზე დადებული თანხის ნამრავლს.
• 3. მოთამაშეს მოგებული თანხის მიღება შეუძლია ორგანიზაციის მიერ საბოლოო, ოფიციალური შედეგების გამოქვეყნების შემდეგ.
• 4. მოქმედ პროგრამაში გამოქვეყნებულ ღონისძიებათა ოფიციალურ შედეგებად ითვლება ორგანიზაციის მიერ ოფიციალური წყაროებიდან მიღებული შედეგები.
• 5. შედეგის გამოცხადებისას მხედველობაში მიიღება უშუალოდ შეჯიბრის დროს დაფიქსირებული შედეგი. ნებისმიერი სხვა სახის შედეგი (დისციპლინური სანქცია, ტექნიკური შედეგი ან სხვა) მხედველობაში არ მიიღება და ძალაში ისევ პირველადი შედეგი რჩება. ჩოგბურთის შემთხვევაში ნებისმიერი მიზეზით დანებება ითვლება წაგებად.
• 6. იმ შეჯიბრის შედეგი, რომლის ხანგრძლივობა კონკრეტული დროით არის რეგლამენტირებული, მხოლოდ ძირითად დროში ფიქსირდება. Mმაგალითად: ფეხბურთის დამატებითი დრო ან პენალტების სერია, ჰოკეისა და კალათბურთის ოვერტაიმები და სხვა მხედველობაში AAარ მიიღება (გარდა შემდეგ ეტაპზე გასვლაზე დადებული ფსონებისა).
• 7. თუ რაიმე მიზეზით გამოქვეყნებულ შედეგებში აშკარა შეცდომა აღმოჩნდა, უზუსტობა მაშინვე გამოსწორდება და მოგებები დაზუსტებული, სწორი შედეგის მიხედვით გაიცემა.
• 8. პირადობის დამადასტურებელი მოწმობის (პასპორტის) გარეშე მოგებები არ გაიცემა.
• 9. ქვითარში თვითნებურად ცვლილების ან შესწორების შეტანა ქვითრის გაყალბებას ნიშნავს, რაც სამართლებრივი ნორმების დარღვევაა და შესაბამისად ისჯება. აქედან გამომდინარე, მასზე მოგება არ გაიცემა.
• 10. მოგებული თანხის მიღებისას მოთამაშე ვალდებულია მიღებული თანხის სისწორე შეამოწმოს სალაროდან გაუსვლელად. თუ მოთამაშემ თანხა მიიღო და სალაროს მოშორდა, ეს ნიშნავს, რომ მოგებული თანხა მიღებული აქვს სრულად და შემდგომში არანაირი პრეტენზია აღარ განიხილება.
• 11. მოგებული თანხა გაიცემა მოთხოვნისთავანე, ხოლო გამონაკლის შემთხვევაში ორგანიზაციას უფლება აქვს მოგება გასცეს არა უგვიანეს 6 დღისა.

• 1. მოქმედ პროგრამაში მითითებულისა და ქვითარში დაფიქსირებულის მიუხედავად, ღონისძიების კოეფიციენტი 1.0 (ერთი მთელი) უტოლდება თუ: -ფსონი დადებულია ვარიანტში მითითებული ღონისძიების დაწყების შემდეგ; -ვარიანტში მითითებულ წყვილში შეიცვალა მასპინძელი გუნდი (ორმატჩიანი ტურნირების შეხვედრებში ძალაში რჩება ის Fფსონი, რომელიც გუნდის შემდეგ ეტაპზე გასვლაზეა დადებული); -ღონისძიება არ ჩატარდა და სამ კალენდარულ დღეზე მეტი ხნით გადაიდო, ხოლო შემდეგ ეტაპზე გასვლაზე დადებული ფსონის შემთხვევაში სამ კვირაზე მეტი ხნით გადაიდო; -ღონისძიება ჩაიშალა ან შეწყდა, შედეგი არ დაფიქსირდა და სამი კალენდარული დღის განმავლობაში არ გადათამაშდა, ხოლო შემდეგ ეტაპზე გასვლაზე დადებული ფსონის შემთხვევაში სამ კვირაზე მეტი ხნით გადაიდო. -ვარიანტში მითითებულ წყვილში რომელიმე გუნდი შეცდომით არის დასახელებული; -ფსონი დადებულია ტურში გატანილი გოლების რაოდენობაზე და ერთი ან რამდენიმე მატჩის შედეგი ნებისმიერი მიზეზის გამო (მატჩი ან მატჩები გადაიდო, ჩაიშალა,შეწყდა ან სხვა) არ დაფიქსირდა, ანუ მოთამაშის მიერ ფსონის დასადებად არჩეული ქვეყნიდან მოქმედ პროგრამაში შეტანილი ყველა მატჩის შედეგი არ დაფიქსირდა, ან რომელიმე წყვილში ცვლილება (მასპინძელი შეიცვალა, წყვილი არასწორედ იყო მითითებული ან სხვა) მოხდა, მიუხედავად იმისა, შეეძლო თუ არა ამ მატჩს გავლენა მოეხდინა მოთამაშის მიერ გაკეთებულ პროგნოზზე.
• 2. მატჩის იგივე ქალაქის სხვა სტადიონზე ან ნეიტრალურ მინდორზე ჩატარების შემთხვევაში ფსონი ძალაში რჩება.
• 3. თუ მატჩი დამთავრდა და შედეგი დაფიქსირდა, მაგრამ რაიმე მიზეზით ეს შედეგი გააუქმეს, შეცვალეს ან გადათამაშება დანიშნეს, მოგების გაცემისას მხედველობაში მიიღება მხოლოდ პირვანდელი შედეგი. 1,0 (ერთი მთელი) ჩაითვლება მხოლოდ იმ ფსონების შესაბამისი ღონისძიების კოეფიციენტები, რომლებიც დადებულია ორმატჩიანი ტურნირების შეხვედრებში გუნდის შემდეგ ეტაპზე გასვლაზე და მიღებულია პირველ მატჩამდე (ეხება პირველი მატჩის შედეგის შეცვლას, გაუქმებას, ან გადათამაშებას).

1. გამონაკლისი შემთხვევები როდესაც, შედეგი ითვლება დაფიქსირებულად მიუხედავად ღონისძიების ჩაშლის ან შეწყვეტისა:

ა) თუ ფსონი დადებულია შემდეგ პროგნოზებზე:

• - ყვითელი ბარათების რაოდენობა - < >;
• - რამდენი გოლი გავა მატჩში - < >;
• - კუთხურების რაოდენობა - < >;
• - I ტაიმში კუთხურების რაოდენობა - < >;
• - II ტაიმში კუთხურების რაოდენობა - < >;
• - I ტაიმში გატანილი გოლები რაოდენობა - < >;
• - II ტაიმში გატანილი გოლები რაოდენობა - < >;
• - თამაშგარე მდგომარეობა - < >;

ანუ მითითებული მოვლენების მეტ-ნაკლებობაზე და ღონისძიების ჩაშლის ან შეწყვეტის მომენტში იქნება შედეგი “მეტობა” (>), შესაბამისი მოვლენის მეტობაზე დადებული ფსონები ითვლება მოგებულად, ხოლო ნაკლებობაზე (<) დადებულები – წაგებულად, მიუხედავად იმისა თუ რა მოხდება დარჩენილი დროის განმავლობაში (ჩაშლა, შეწყვეტა და ა.შ.).
თუ ღონისძიების ჩაშლის ან შეწყვეტის მომენტში იქნება შესაბამისი მოვლენების ნაკლებობა (<), მითითებული ფსონების შესაბამისი კოეფიციენტები უტოლდება 1.0 (ერთი მთელი).

ბ) თუ ფსონი დადებულია შემდეგ პროგნოზებზე:

• - გაიტანს თუ არა ორივე გუნდი მატჩში გოლს – კი არა;
• - იქნება თუ არა მატჩში პენალტი– კი არა;
• - I გუნდი გაიტანს ორივე ტაიმში – კი არა;
• - II გუნდი გაიტანს ორივე ტაიმში – კი არა;
• - იქნება გაძევება – კი;
• - I ტაიმში იქნება შეცვლა – კი;
• - გოლი გავა კომპენსირებულ დროში – კი;

ანუ მითითებული მოვლენების დადგომა-არდადგომაზე და ღონისძიების ჩაშლის ან შეწყვეტის მომენტში იქნება დადებითი შედეგი “კი”, შესაბამისი მოვლენის დადგომაზე (“კი”) დადებული ფსონები ითვლება მოგებულად, ხოლო არდადგომაზე (“არა”) დადებულები – წაგებულად, მიუხედავად იმისა თუ რა მოხდება დარჩენილი დროის განმავლობაში (ჩაშლა, შეწყვეტა და ა.შ.). თუ ღონისძიების ჩაშლის ან შეწყვეტის მომენტში არ იქნება დამდგარი შესაბამისი მოვლენების დადებითი (“კი”) შედეგი, მითითებული ფსონების შესაბამისი კოეფიციენტები უტოლდება 1.0 (ერთი მთელი).

გ) თუ ფსონი დადებულია შემდეგ პროგნოზებზე:

• - რომელ ტაიმში გავა მეტი გოლი – 1 X 2;
• - რომელ ტაიმში იქნება მეტი კუთხური – 1 X 2;

ანუ მითითებული მოვლენების ტაიმებს შორის შეჯიბრებითობაზე და ღონისძიების ჩაშლის ან შეწყვეტის მომენტში იქნება შედეგი II ტაიმის მეტობა “2”, შესაბამისი მოვლენის დადგომაზე (“2”) დადებული ფსონები ითვლება მოგებულად, ხოლო I ტაიმის მეტობაზე (“1”) და თანაბარ რაოდენობაზე (“X”) დადებულები – წაგებულად, მიუხედავად იმისა თუ რა მოხდება დარჩენილი დროის განმავლობაში (ჩაშლა, შეწყვეტა და ა.შ.).
თუ ღონისძიების ჩაშლის ან შეწყვეტის მომენტში იქნება I ტაიმის მეტობა (“1”) ან თანაბარი რაოდენობა (“X”), მითითებული ფსონების შესაბამისი კოეფიციენტები უტოლდება 1.0 (ერთი მთელი).

დ) თუ ფსონი დადებულია შემდეგ პროგნოზებზე:

• - რომელი გუნდი გახსნის ანგარიშს – 1 2;
• - ვინ მოაწვდის პირველ კუთხურს – 1 2;
• - ვინ მოაწვდის პირველ აუტს – 1 2;
• - ვინ მიიღებს პირველ ყვითელ ან წითელ ბარათს – 1 2;
• - ვინ დაიწყებს თამაშს – 1 2;

და ღონისძიების ჩაშლის ან შეწყვეტის მომენტში დადგა ორი სავარაუდოდან ერთ-ერთი შედეგი მაინც.
თუ ღონისძიების ჩაშლის ან შეწყვეტის მომენტში მითითებული ორი სავარაუდოდან არცერთი შედეგი არ იქნება დამდგარი, ფსონების შესაბამისი კოეფიციენტები უტოლდება 1.0 (ერთი მთელი).

2. თუ ფსონი დადებულია კონკრეტული ტაიმის, პერიოდის, სეტის ან სხვა კონკრეტული დროის მონაკვეთში განსახორციელებელი ამა თუ იმ მოვლენის პროგნოზზე შედეგი ითვლება დაფიქსირებულად დროის მითითებული მონაკვეთის დასრულებისთანავე მიუხედავად იმისა თუ რა მოხდება დროის სხვა მონაკვეთში (ჩაშლა, შეწყვეტა და ა.შ.).

3. წინამდებარე წესებით სპეციალურად გათვალისწინებულის გარდა, სხვა ნებისმიერის სახის პროგნოზებზე დადებული ფსონების შემთხვევაში, თუ ღონისძიება რაიმე მიზეზით ჩაიშალა ან შეწყდა და წესებით განსაზღვრულ ვადაზე მეტი ხნით გადაიდო კოეფიციენტი გაუტოლდება 1.0 (ერთი მთელი).

• 1. ჩოგბურთის გათამაშებისას მოქმედებს ამ თავით განსაზღვრული წესები, ხოლო იმ შემთხვევებში, რომლებიც ამ მუხლით არ რეგულირდება მოქმედებს წინამდებარე გათამაშების წესების სხვა ნორმები.
• 2. ფორა და ქულების მეტ-ნაკლებობა ითვლება გეიმების მიხედვით.
• 3. ანგარიშის გამოცნობა ითვლება სეტების მიხედვით.
• 4. თუ შეიცვალა მატჩის ფორმატი (წინასწარ ცნობილი მაქსიმუმ 3 სეტიანის (ანუ 2-მედე) ნაცვლად ჩატარდა მაქსიმუმ 5 სეტიანი (ანუ 3-მდე) მატჩი ან პირიქით) ნებისმიერი სახის პროგნოზზე (გარდა მატჩში ერთ-ერთი მოთამაშის გამარჯვებაზე დადებული ფსონისა) კოეფიციენტი უტოლდება 1.0 (ერთი მთელი).
• 5. გუნდური შეჯიბრის დროს ნებისმიერი მიზეზით, ნებისმიერ გუნდში ერთი ან რამდენიმე მოთამაშის შეცვლის შემთხვევაში ყველა ფსონი ძალაში რჩება.
• 6. წყვილების შეჯიბრის დროს თუ გამოცხადებულია წყვილების შემადგენლობა და ერთ-ერთ ან ორივე წყვილში შეიცვალა ერთი მოთამაშე მაინც ნებისმიერი სახის პროგნოზზე კოეფიციენტი უტოლდება 1.0 (ერთი მთელი).
• 7. კორტების საფარის შესახებ მონაცემები არის მხოლოდ ინფორმაციული ხასიათის და მისი შეცვლის შემთხვევაში ნებისმიერი ფსონი ძალაში რჩება.
• 8. თუ ჩოგბურთის მატჩი შეწყდა, იმავე დღეს არ დასრულდა და გადაიდო მასზე დადებული ფსონები ძალაშია მიმდინარე ტურნირის დასრულებამდე, ვიდრე მატჩი არ დასრულდება ან ერთ-ერთი მოთამაშე რაიმე მიზეზით (დანებება, დისკვალიფიკაცია და სხვ.) არ გამოეთიშება ტურნირს.
• 9. ჩოგბურთის გათამაშებისას ნებისმიერი მიზეზით დანებების ან დისკვალიფიკაციის შემშხვევაში (თუ ერთი ჩაწოდება მაინც განხორციელდა) შედეგი ითვლება დაფიქსირებულად, კერძოდ, დანებებულ ჩოგბურთელს ეთვლება წაგება მიმდინარე და ყველა დარჩენილ გეიმში და სეტში (მაგ. თუ მოთამაშე “ა” უგებს “ბ”-ს ანგარიშით 2:0 (6:1, 6:4) და “ა” დანებდა ან დისკვალიფიცირებული იქნა, მას ჩაეთვლება წაგება ანგარიშით 2:3 (6:1, 6:4, 0:6, 0:6, 0:6) და შედეგებიც (ანგარიში, ფორა, სეტებისა და გეიმების რაოდენობა და სხვ.) შესაბამისად დაითვლება 2:3 (12:23).
• 10. თუ ერთ-ერთი მოთამაშე დანებდა ან დისკვალიფიცირებული იქნა თამაშის დაწყებამდე ანუ ისე, რომ ერთი ჩაწოდებაც კი არ განხორციელდა ნებისმიერი სახის პროგნოზზე (გარდა გრძელვადიანი პროგნოზებისა: ტურნირის გამარჯვებული, შემდეგ წრეში გასვლა და ა.შ.) კოეფიციენტი უტოლდება 1.0 (ერთი მთელი).

• 1. ინფორმაცია ყოველი ფსონის შესახებ ინახება ორგანიზაციის მონაცემთა ბაზაში და სადაო საკითხების განხილვის შემთხვევაში გადამწყვეტი მნიშველობა ენიჭება მის არქივში შენახულ და დაცულ ჩანაწერს.
• 2. საჩივრები მიიღება ვარიანტში შეტანილი ღონისძიებიდან ყველაზე გვიან ჩატარებულის თარიღიდან 7 (შვიდი) კალენდარული დღის განმავლობაში. ამ ვადის ამოწურვის შემდეგ საჩივრები აღარ მიიღება.
• 3. საჩივრებს თავისი კომპეტენციის ფარგლებში განიხილავს ორგანიზაციის ადმინისტრაცია.
• 4. დავის შემთხვევაში იმ საკითხზე, რომელიც წინამდებარე წესებში გათვალისწინებული არ არის, მოთამაშე ვალდებულია დაეთანხმოს ორგანიზაციის ადმინისტრაციის გადაწყვეტილებას.
• 5. მოთამაშეებს შეუძლიათ ადმინისტრაციას განსახილველად მიაწოდონ დასაბუთებული საჩივრები და რეკომენდაციები.
• 6. სადაო შემთხვევაში ადმინისტრაცია არ მიიღებს ისეთ საბუთებს, რომლის ანალოგიური ასლი მის არქივში არ ინახება.
• 7. ფორსმაჟორული გარემოებების დადგომისას ორგანიზაციის ადმინისტრაცია თავისუფლდება ყოველგვარი პასუხისმგებლობისა და ვალდებულებებისგან.

• 1. წინამდებარე წესები ძალაშია მისი გამოქვეყნებისთანავე.
• 2. ორგანიზაციის ადმინისტრაცია უფლებას იტოვებს წინამდებარე წესებში საჭიროების მიხედვით, საკუთარი შეხედულებისამებრ შეიტანოს ცვლილება-დამატებები საქართველოს ფინანსთა სამინისტროს შემოსავლების სამსახურის სათამაშო ბიზნესის რეგულირების სამმართველოსთან წერილობითი შეთანხმების საფუძველზე.
• 3. ორგანიზაცია ვალდებულებას იღებს კონფიდენციალურად შეინახოს ყველა ინფორმაცია მოთამაშეებზე და ფსონებზე (გარდა კანონით გათვალისწინებული შემთხვევებისა).
• 4. თუ ფსონების თანაფარდობისას ტოტალიზატორის შესაძლო წაგება აღემატება 10 000 ლარს ტოტალიზატორი დროებით წყვეტს ფსონების მიღებას.